有狀元學生，無狀元老師
作者:黃哲豪 主任
自古kàu-taⁿ，老師和學生的關係是很美妙ê，因為學習結緣的師生定定嘛是ài khan-kòa一世人，永遠記tī 心肝頭。
細漢的時陣，我e老師時常kā 阮講這句話：「有狀元學生，無狀元老師。」我e心裡感覺sió-khóa怪奇，chiah-ní-á用心的老師，應該嘛是會凍作狀元才對！
我e老師，穿插簡單，siat-chuh配西裝褲，閣有一雙eng埃ùn到土的皮鞋。逐天早修教阮吟誦論語、千字文……「質勝文則野，文勝質則史。文質彬彬然後君子」……孔子講：「道德良心ài-tī kah人chih-chiap頂懸去做，去除咱的毛病、癖性kah性地，表裡合一e人才是真君子。」
有一擺放學時間，我離遠遠e行tī老師後尾，走廊上lóng無人，我看著老師àⁿ腰落去，拾起土腳的紙屑，我e老師就親像一位巨人，矗khiā tī我面頭前，彼種以身作則e模範，這má想起來感覺著無比e讚嘆，我leh想，我e老師應當是真正的君子。
有一擺同窗會，同學團聚做伙，逐家招呼煞，講起小方成為一miâ懸壺濟世e先生；小明成為一位出色e師傅；小華做著了一個有嘴水e律師；小齊中選成為民服務的立委，學生一個一個有出脫，老師猶原是當年e樸實、溫文儒雅的飄撇君子；致心守著一方小園地，雕琢一塊koh一塊e璞玉。
tī我國小畢業後的求學過程中，我不時將老師教hō我e學問kā做人e道理記tī心肝頭，hō我e成長過程一路平順，bē走偏做歹。這má，我mā是一位老師，我e學生逐個表現優秀，對爸母有孝，kā同學友愛，我e心裡好親像會通感受當初老師彼種無私e內心富足。後來校長、平輩老師牽引我成做台中市教育優良人員，上台領獎時頭一個想法就是：beh將這個榮譽獻hō我e老師。
隔一日是教師節，足chōe 同窗相招去老師e厝，老師講：「無管你成就啥款，是m̄ 是做「狀元」，m̄ 通將做人起底e道理放水流。」這句話打醒阮已經hō社會麻痺的心，這句俗語：有狀元學生，無狀元老師，應該要改，今年諾貝爾經濟學獎得到e人已經九十歲，他e學生進前已經得過這個獎。這位「狀元老師」受到全世界人的o-ló，他飽學知識e研究精神更加予人欽佩，他mā 將這句話摃破，原來有親像「狀元」按呢不斷求學e老師，他e學生將來mā 是涵他共款有成就。
我tī我的教育日記頂頭寫著：「我後日若是有淡薄仔成就，m̄是做大官、賺大錢，是我 ùi老師遐學來e：下心神e照顧學生，hō in營養kā 掖肥，教in做人e根本道理。」我的老師他永遠改變了我，hō我一世人beh向這個正港「狀元老師」學習，做一個予人尊敬的老師。